ជាមួយនឹងប្រជាប្រិយភាពកាន់តែកើនឡើងពីមួយថ្ងៃទៅមួយថ្ងៃនេះដែរ តារាកំប្លែងប្រចាំស្ថានីយទូរទស្សន៍ CTN នាយ ចឺម ក៏ទទួលបានតម្លៃខ្លួនខ្ពស់ និង អាចរកចំណូលបានក្បែរខ្ទង់ម៉ឺនដុល្លារឯណោះក្នុងមួយខែៗ ហេតុដូច្នេះហើយទើប តារាកំប្លែងកំពុងឡើងកូដខ្លាំងរូបនេះប្តូរស៊េរីរថយន្តមិនញញើតដៃបែបនេះ ។
ជាការពិតណាស់ ចំណូលរបស់ម្ចាស់បទ «ពុកអើយម៉ែអើយនាងការចោលខ្ញុំហើយ» នាយ ចឺម រកចំណូលបានពីការងារសិល្បៈក្នុងមួយខែៗប្រមាណជាខ្ទង់ ៨០០០ ដុល្លារឯណោះ ពោលគឺក្បែរមួយម៉ឺនដុល្លារទៅហើយ ។
តែទោះជាយ៉ាងណា នាយ ចឺម ធ្លាប់បានអះអាងនៅក្នុងពិធីសម្ពោធខ្សែភាពយន្តខ្នាតធំមួយកាលពីចុងឆ្នាំ ២០១៦ កន្លងទៅថា នៅក្នុងឆ្នាំ ២០១៧ នេះ លោកឈប់លេងស៊េរីរថយន្តទៀតហើយ ពោលគឺលោកសន្សំលុយដើម្បីទិញផ្ទះវីឡាវិញម្ដង ។ តារាកំប្លែងរូបសង្ហាដែលមានឈ្មោះពិត សុខ មេសា រូបនេះក៏បានបន្តថា ផ្ទះដែលលោកប្រាថ្នាចង់បានគឺតម្លៃខ្ទង់ប្រមាណ ២០ម៉ឺនដុល្លារ តែបើបានថ្លៃជាងនេះកាន់តែល្អ ៕ប្រភព៖ pmhotnews.com
