បើតាមប្រភពដដែលបានលើកឡើងបន្តទៀតថា ពួកគេទាំងពីនេះគឺជាមិត្តភក្តិនឹងគ្នា ហើយក៏ជាអ្នករៀនថ្នាក់ជាមួយនឹងគ្នានៅវិទ្យាល័យមួយផងដែរ។ ប្រភពបានបន្តទៀតថា ពេលដែលនៅសាលារៀនពួកគេតែងតែមានការប៉ះទង្កិចពាក្យសំដីនឹងគ្នា រហូតដល់ឈានដល់ការវាយតប់គ្នាផងដែរ។ ពួកគេទាំងពីរតែងតែត្រូវបានលោកគ្រូ អ្នកគ្រូហៅទៅព្រមានជាញឹកញាប់ព្រោះតែពួកគេតែងតែឈ្លោះគ្នាយ៉ាងដូច្នោះ។
ដោយហេតុតែហាមឃាត់ពួកគេលែងបាន លោកនាយកសាលាក៏បានសម្រេចចិត្តដូរពួកគេឲ្យរៀនថ្នាក់ផ្សេងគ្នា។ ទោះបីជាពួកគេរៀនថ្នាក់ផ្សេងគ្នាក៏ដោយ ក៏ពួកគេនៅតែអាចណាត់គ្នាដើម្បីសាកល្បងក្បាច់គុណនឹងគ្នាបានផងដែរ។ តាមមតិមួយចំនួនបានចូលទៅបញ្ចេញយោបល់ថា ពួកគេមិនគួរធ្វើរឿងបែបនេះទេ។ ផ្ទុយទៅវិញពួកគេគួរតែចំណាយពេលវេលាដ៏មានតម្លៃរបស់ពួកគេ មកខិតខំរៀនសូត្រដើម្បីជាស្ពានឈានទៅរកអនាគតដ៏ល្អផូរផង់របស់គេនៅពេលអនាគត៕
