ប្រភពបានឲ្យដឹងថា នៅថ្ងៃទី១៤មិនា២០១៧ ម៉ោង១៩និង០០នាទី ជនរងគ្រោះទាំង០២នាក់បានដឹកសត្វជ្រូករស់ ពីផ្សារសំរោងយ៉ោងស្រុកបាទីខេត្តតាកែវមកលក់នៅផ្សារសៀមរាបស្ថិតនៅឃុំសៀមរាប ស្រុកកណ្តាលស្ទឹង ខេត្តកណ្ដាល ពេលជនរងគ្រោះជិះឡានដឹកជ្រូក ម៉ាកហ៊ីយ៉ាន់ដាយពណ៌ស ពាក់ស្លាកលេខ កណ្តាល ២A ៨៣២៥ បន្ទាប់មកនៅម៉ោង២០:២០នាទីជនរងគ្រោះ បានជិះឡានខាងលើមកដល់ផ្លូវកែងផ្លូវជាតិលេខ២កែង និងផ្លូវលេខ២០Aជនសង្ស័យនិងបក្ខពួកឈប់ម៉ូតូក្បែរនោះបានស្រែកថាអញ់ទើបតែចេញពីគុក ហែងដឹងអត់? កុំចង់ខ្លាំងជាមួយអញ់ឲ្យសោះ ពេលនោះជនរងគ្រោះឈ្មោះជឹម សុខអេងបាននិយាយថាគ្រាន់តែមើលមុខប៉ុណ្ណឹងអត់បានដែរ ហើយជនរងគ្រោះ ក៏ជិះឡានទៅមុខទៀត ជនសង្ស័យនិងបក្ខពួក បានជិះម៉ូតូតាមពីក្រោយ យកឈើក្តារបន្ទះ ទៅជាមួយផង ពេលដល់ចំណុចកើតហេតុបក្ខពួករបស់ជនសង្ស័យម្នាក់បានយកឈើក្តារបន្ទះ វាយចំមុខខាងឆ្វេង ជនរងគ្រោះឈ្មោះគង់ អួយភ្លាមនោះដែរបក្ខពួករបស់ ជនសង្ស័យ បានយកដុំថ្មគប់កញ្ចក់ឡានជនរងគ្រោះបណ្តាលឲ្យបែកខូចខាតកញ្ចក់មុខ ភ្លាមៗនោះក្រុមជនសង្ស័យ បានជិះម៉ូតូគេចខ្លួនអស់។ ប្រភព vd7news
ក្រោយមកទើបជនរងគ្រោះនិងបងប្អូនជនរងគ្រោះតាមចាប់ជនសង្ស័យបានម្នាក់និងម៉ូតូ០១គ្រឿង យកប្រគល់ឲ្យនគរបាលប៉ុស្តិ៍អំពៅព្រៃ
និងបញ្ជូនបន្តមកអធិការដ្ឋាននគរបាលស្រុក ដើម្បីកសាងសំណុំរឿង
បន្តចាត់ការតាមនីតិវិធី៕ ដោយ៖ (សុខសាន្ត)
